10:08 Mowzuk

Adamlaryň durmuşdaky kynçylyklara bolan gataşyklary barada tymsal.
Bir ýaş gyz kakasynyň ýanyna gelip durmuşyndan zeýrenip şeýle diýpdir:
—Kaka,men durmuşdan örän ýadadym,meniň durmuşum ýaman agyr,her-hili kynçylyklar diýjekmi,her-hili aladalar diýjekmi,halys basylýan-da kaka,göýä akymyň garşysyna ýüzen ýaly,mende halys güýç galmady,näme etsemkäm indi ?—diýip kakasyna göwni çökgün halda seredipdir...
Kakasy oňa birbada hiç zat diýmedi-de biraz pikirlenip 3 sany meňzeş gaplaryň hersine birneme suw guýup,birine käşir,birine ýumurtga,birinede kofe atyp otda goýdy. Birneme wagt geçensoň bolsa suwdan käşiri we ýumurtgany çykardy,kofänem bir bulgura guýdy.Soňra gyzyna garap:
—Näme üýtgän zat bar—diýip sorady. Gyzy:
—Käşir bilen ýumurtga gaýnap bişdi,kofe suwda doly eräp gitdi—diýdi.Kakasy oňa:
—Ýok gyzym,ol aýdýanlaň ýöne daşyndan göräýmäge şeýle. Seret—gaty käşir gyzgyn suwda gaýnap ýumşak we tagamly boldy. Ýuka we näzik daşly,içi suwuk ýumurtga bolsa öňküsinden berk boldy .Olar daşyndan göräýmäge känbir üýtgemediler ýöne olar daşky ýaramaz täsiriň astynda,ýagny gaýnag suwuň täsiri astynda özleriniň durkuny üýtgetdiler. Ine,adamlar hem durmuşda şeýle ,daşyndan berk ýaly bolsalarda gowşap ejizlere öwrülip bilýäler,käsi tersine ejiz halyna gatap we berkäp bilýärler ...
—A kofe näme ?—diýip gyzy soranda,kakasy oňa:
—Ol bolsa has gyzykly ýeri,kofe durşuna eräp özüne duşmançylykly bolan ýeri durşuna üýtgedip—ýagny,gaýnag suwy süýji içgä öwürdi. Aýratyn adamlar bolýar kyn şertlerden hem baş alyp çykyp,kyn ýagdaýy üýtgedip aňsatlaşdyryp, şatlykly ýagdaýa öwürip bilýärler ...