19:09 Mowzuk

İçeri girip girmänkä şatlykly gygyrdy:
- Eje bilýärsiñmi bu gün öýde näme bolanyny?
– Göreñokmy? Telefonda gürleşýärin.

Hemmäniñ söýýän zatlary bir- birine meñzänokdy. Ejesi telefony, kakasy maşyny söýýärdi. Hemme zat gijikýärdi, eger mesele telefona we maşyna gezek gelende... Birem öýe myhman gelende özüne öýde ýer galmaýardy.

…Nirelere gidip bilerdi? Ejesi öçürdi telefony.
Aşhanadan gazanyñ sesi eşdilýärdi. Ylgap şol tarapa gitdi:
- Saña kömek edeýinmi? diýdi, iñ ýakymly ýagdaýyna girip. Ejesine manyly seretdi:
- Näme boldy? Bir biedeplik etdiñmi? Seret sen bir azar berme. Onsuzam gaty ýadaw men.

Ýadawlyk nähili bir zatdy? Kä wagt elinde oýunjagy bilen uka gideninde enesi oýunjagy ýuwaşja elinden alar:
- "Nähili ýadapdyr çagajyk. Ukynyñ gül yslary gurşasyn seni..." diýip mañlaýyndan bir posa gondurdy.

Ýadawlyk gül ysly bir uka gitmeli bolsa eger, näme üçin ejesi özi bilen beýle gaharly gaharly gürleşýärdi?
— Ejemjan ýadan wagtyñ gül ysly ukylara gidersiñ. Enem şeýle diýýär.
— Uka gideýinde, gül yslary kemçilik bolsun. Ýadawlykdan ölýärin.

Bankdaky işleri we bu sözleri ýigrenýärdi. "Ýadaw, ýadaw bolanymdan, şeýle ýadaw wagtym"...
- Ejemjan sen ýadama, diýip...
- Nahar wagty gürleşeris balam.
Kakañ gelýänçä bankyñ işlerini dynmagym gerek. Bar sen oýna biraz.

Ana siz ýadaýañyz- a... Eh..... menem oýnamakdan ýadaýaryn. Näme edeýin bilemok?
Etmeli dälini bilýär ulylar, etmelisini hiç bilmeýärler. Çyralar söndi birden. Ejesi gahar bilen gürläp başlady.

— Şem hem ýok! diýip gözleşdirdi şkaflary el kömegi bilen.
Çaga arkasyna ýatyp, enesiniñ obasyny ýadyna saldy. Ýag çyrasynyñ ýagtylygyna däli towşan ertekisini aýdyp berişini. Däli towşanyñ şekilini diwarda göz öñüne getirdi. Enesi ýaly iki ellerini birleşdirip, başam barmagyny ýokary galdyryp, towşanyñ kellesi etdi.

"Seret däli towşan" diýip barmaklaryny oýnatdy. Ýoldan geçip barýan maşynlaryñ çyralary diwardaky towşana ýol açdy. Towşan aýagaldygyna sagda, çepde gezmeledi. Oltlar, guşlar bilen gürleşdi. Soñra ýadady. Diwardaky kölege kiçijik eljagazlaryñ açylmasy bilen ýitirim boldy. Eli ýuwaşjadan aşaklygyna, düşegine gaýtdy. Soñra çyralar geldi.

Aýal çagasynyñ hiç gürlemedigini duýdy. Çaga birden düşegine ýatmak bilen boldy. Kiçijik dyzlaryny garnyna tarap çekip, uka gitdi.
Aýal stoluñ üstündäki dokumentlere ýigrenç bilen seredip, goýduryp bolmajak bir puşmanlyk doldurdy içini. Oýandyrmakdan gorka gorka kiçijik bir posa gondurdy çagasynyñ mañlaýyndan.
Çaga hamala bir zada garaşýan ýaly, süzülen gözleri bilen bir zatjyklar gürledi:
— Işiñ dynansoñ meni söýermisiñ eje? diýdi.
Aýal, söýülmek üçin wagt bellän çaga seredip, dañdana çenli aglady...