(Rowaýat)

Sahylykda tanalýan,
Ýagşyzadaň ýanyna,
Gelenmişin bir zenan,
Şükür bolman baryna.

Gujagynda çagasy...
Boýnun burup, aýdanmyş:
-Kömek ediň, bu şäherde,
menden başga, garyp ýok–
Diýipdir-de, haraý sorap,
Ol yzyna gaýdanmyş...

Aýdanmyş Goja oňa:
–Dur, gyzym, saklan saňa,
Bar berjek sowallarym,
Dogry jogap ber maňa!

Bolýa.., ynha, bir halta,
Altyn berjek men saňa,
Şertim bitir, alyp git,
Hatda, goýmagyn soňa.

Aýak çekip, ol gelin,
Yzyna garanmyşyn.
Goja bolsa ýaýdanman,
Gelinden soranmyşyn:

–Hany, aýtsana, keýgim,
Eliňdäki çaganyň,
Meň üçin rowa görüp,
Berermiň bir barmagyn?

"Akly çaşan bu garry,
Sözün eýläp weýrana,
Bulaşdyryp bar zady,
Aklym goýdy haýrana"

Oýlanyp duruşyna,
Gelniň teni dyglady,
Oňa çenli çagajyk,
"Kökke" diýip aglady.

Saňňyldady bu gelin,
Bilmedi ne ederin...
Gazaplanjak bolanda,
Goja diýdi beterin.

–Maňa bolsa-da bolýar,
Aýajygnyň barmagy,
Bolmanda, kesip aljak,
Aýagyndan dyrnagy.

Asla çaga duýmazam,
Agyrtmanjyk alaryn,
Dyrnakdyr, ösüp gider,
Kesmäýinem barmagyn...

Razymyň, gelin onda?
Çagany oturt munda!

Çagasyn basyp bagra ,
Aýlady ýaş gözüne,
Diýjek boldy "Sen ýaňra"
Düşünmän gojaň sözne.

Aýlawly Gojaň sözi,
Aýňaltdy gelni birden,
Utanjyrap, başyny,
Galdyrmady ol ýerden.

Kömek edip, soň Goja,
Altyn-kümüş berenmiş,
Ýylgyryp, ýagşyzada,
Gelni synap görenmiş...

Iň uly baýlygynyň,
Özündedigin aýdyp,
Tabşyrypdyr ol gelne,
Zeýrenmezligi gaýdyp...

Şükürli boluň, guzym,
Sabyr soňy döwletdir,
Biribar bendelerne,
Ömür-baky söýgetdir!

Setire salan: Milana

232

41

9

15

1

Mowzugy VIP edenler:

Myrat555 — 30 sagat vip etdi.27.05.2020 / 18:34:26