Hoşallyk
(Degişme)

Segsen bolsa-da salym meň,
Men segseniň dälijesi.
Deň-duşlarym görse-de geň,
Men segseniň dälijesi.

Uzak günläp işde bolýan,
Ökdelerden tälim alýan,
Ýigrimi bäşe gaýdyp gelýän,
Men segseniň dälijesi.

Garrylyk düşenok ýada,
Köp ýaşamak boldy kada,
Nusga bolup ýakyn-ýada,
Men segseniň dälijesi.

Köp agtyk, köp çowlugym bar,
Il-gün bilen şat, bagtyýar,
Çalýan gyjak, çalýan dutar,
Men segseniň dälijesi.

Hormat goýup köpe, käne,
“Jan!” diýene diýýän: “Jana!”.
Gül Watan beslenýär şana,
Men segseniň dälijesi.

Ata TÄZEBAÝ

93

12

1

6

0

Mowzugy VIP edenler: