Eje - Halanlaryma goş
Täzeje
Hatyja
19.01.2020 / 23:07:38
Eje
Beýik Saparmyrat Türkmenbaşy

gök astynda ýalňyz men,
ýer üstünde ýalňyz men,
özüm aglap köşeşsem –
hiç kimse bilmez, eje!..

bagra basyp ýatardyñ,
başym alyp otyrdyñ,
süýjüje düýş getirdiñ...
ol günler gelmez, eje!..

toýda seni gözledim,
ýasda seni gözledim.
wah, dözmedim, dözmedim,
sen neneň dözdüň eje!..

töwerek ýat, daşym ýat,
jigerim-bagrym berbat,
gideý diýsem başym ýaş,
geçenok günler, eje!..

gelinbarmak üzüm deý,
ýürek üzüm-üzüm-ley,
ýer ýok ýeriň ýüzünde-ýeý,
barmaga ýerim, eje!..

ne ini bar, ne aga,
ne gapy bar barmaga...
diýdirmen ýetim çaga!
ýok, ogluň ölmez, eje!..

ne iýmekde many bar,
ne geýmekde many bar.
men ýaşara pany dar –
duşarsmy ölsem, eje!..

eje-eje eje jan,
tabyt boldy kejebäň,
ýer astynda nije jan...
üstde men tenha, eje!..

uçrap eýmenç külpede,
ýalňyz galdym dünýede.
nätjek, ýüzüm gülse-de,
ýüregim gülmez, eje!..

188
28
16
14
0
Mowzugy VIP edenler:
Tiko — 10 sagat vip etdi.
20.01.2020 / 02:41:21
Teswirler:
2233Betinden
Nara
19.01.2020 / 23:10:16
Salam saytyn garagöz agzalary!

+4

gowy goşgy hudayjan hiç kimi ene atasyndan ayyrmasyn!!!

puo
20.01.2020 / 01:04:54
+2
молодец
2773Gerekli
Tiko
20.01.2020 / 01:11:31
Wagtyň bolsa, puly tygşytlap bolýar. Puluň bolsa- wagty.

+3

Sag bol Hatyja goýanyňa.
Beýik Saparmyrat Türkmenbaşyň ýatan ýeri ýagty bolsun.
2773Gerekli
Tiko
20.01.2020 / 11:00:49
+1
Beýik Saparmyrat Türkmenbaşynyň eýleki goşgularyny goýmagyňa höwes bilen garaşýan
2312Öwreniji
Cepbekey
20.01.2020 / 01:29:55
+2
Adam atlary, goshgynyn bashdaky setirleri uly bilen yazylya. Bir yerden kopya edensinda
2651Gerekli
lady_L
20.01.2020 / 02:23:57
Toprak sevdiklermizi aldigi icinmi böýle güzel kokar ?

+2

govy gosgy sag bolun
2729Özümiziňki
melewse
20.01.2020 / 08:47:03
+2
Saparmyrat Turkmenbasyn gowy gosgulary bar. minnetdar

Nirvana
20.01.2020 / 11:45:05
+3
Haýyş etýän ýetim diýmäñ ýetime,
Gazabyna duçar bolaýmañ Allañ.
Ýetimiñ enesi,ene ýer bolar,
Ýetimiñ atasy nurana asman.

Ýetim ýerde dörän agy hem ahdyr,
Ýetim hakdan ýere gelen sedadyr.
Haýyş etýän ýetim diýmäñ ýetime,
Ýetimiñ hossary ýalñyz Hudadyr.

Ýetimi göreñde güler ýüz berip,
Külpet düşen gamgyn başyn sypalañ.
Biribar ýetimi ýesiri bile,
Her milletiñ ahlagyny synaýar.

Akyl et,takdyryñ işidir bende,
Müşgil ýowuz oýnudyr bu jahanyñ.
Enesin ynjydyp ýören nekgende,
Ýetimden sora sen enäñ bahasyn.

Atanyñ bahasyn ýetimden sora,
Atasyn ynjydyp ýören gurrumsak.
Bir tarapdan seni synlasa halkyñ,
Beýleki tarapdan synaýandyr Hak.

Ýetim ýerde ýaşap ýoren hesretdir,
Ýetim ýerde ýaşap ýören gussadyr.
Ýetimi gujagna göteren döwlet,
Meger ähli zamanlara nusgadyr.

Haýyş etýän ýetim diýmäñ ýetime,
Oña hoş söz bilen mähir derkardyr.
Ýetimiñ öñünde beýik ykbaly,
Arkasynda bolsa Hudaýy bardyr.

Saparmyrat Nyýazow

Enka
20.01.2020 / 12:17:39
+1
Halaýan goşgularymyñ ýene biri)

Soňky jogaplar:

Mahri, Linede.Ýöne ol biziň maşgalamyzy realny tanaýan biri bolup çykdy soň....Dowamy
Gürrüňdeşlik | Tegelek stol: @Gunay (Nirwana) bilen söhbetdeşlik...
Gunays (Bu gün, 18:50:35)
Nadip tanyshdynyz?...Dowamy
Gürrüňdeşlik | Tegelek stol: @Gunay (Nirwana) bilen söhbetdeşlik...
Mahris (Bu gün, 18:37:46)
Gowy jogaplapdyr, tüweleme. Şular ýaly düşünjedäki aýal-gyzlarymyz köp bolsun....Dowamy
Gürrüňdeşlik | Tegelek stol: @Gunay (Nirwana) bilen söhbetdeşlik...
Edgars (Bu gün, 16:30:44)
Ýo, bolýar-la gülýän bolsaň, ýylgyrsaň, Mundan başga näme gerek dünýäde. Şol ýylgyrşyň egsilmese razy men, Bir gün saý-sebäpden düşemde ýada. Razy men, gülýän bolsaň, ýylgyrsaň, Maňa başga näme gerek...Dowamy
Edebiýat | Güýçlidirin öýtdiñ...
Edgars (Bu gün, 16:06:33)
Köp sagboluň Çary aga hawa,birinden eşdipdim.Alla hemmämize ýardamçy bolsun Enşalla....Dowamy
Gürrüňdeşlik | Tegelek stol: @Gunay (Nirwana) bilen söhbetdeşlik...
Gunays (Bu gün, 12:38:08)
wWw.Dostluk.Ru © 2018-2023