Ata söýgüsi


Goja öz ogly bilen eýwanda söhbet edip otyrka, bir garga gelip, olaryň penjireleriniň öňüne gondy. Gözleri kütelişen goja oglundan: “Bu näme?” diýip sorady. Ogly: “Kaka, men saňa ýaňyja aýtdym ahyryn, ol – garga” diýip, jogap berdi.
Birhaýukdan soň goja ogluna ýene ýaňky soragyny berdi. Ogly “Bu garga diýýän” diýip, kakasyna nägile jogap berdi.
Az salymdan goja şol bir soragyny dördünji ýola gaýtalady. “Kaka, näme üçin saňa ençeme gezek garga diýip aýdanymdan soň, ýene şol bir soragy gaýtalap dursuň?” diýip ogly atasyna gatyrgandy.
Oglunyň bolşuna göwni ynjan goja sesini çykarman, öz otagyna girdi-de, ogly dünýä inen gününden bäri ýöredip gelýän gündeligini alyp çykdy. Oglunyň eline berip, gündeligi bir çetinden okamagy haýyş etdi. Gündelikde şeýle ýazgylar bardy: “Bu gün guşluk wagty üç ýaşly oglum bilen sekide otyrkak, penjiräniň öňüne garga gondy. Oglum menden bassyr ýigrimi üç ýola onuň nämedigini sorady. Men ogluma şonça sapar onuň gargadygyny aýtdym. Ol maňa şol soragy ýigrimi üç gezek öwran-öwran beren hem bolsa, men oňa her saparda-da mähir bilen jogap berdim. Oglumy gujagyma alyp ogşadym. Men bu jogaby ýüz ýola gaýtalamaly hem bolsam, ýadajak gümanym ýokdy”.

154

13

6

7

0

Mowzugy VIP edenler: