09:01 Mowzuk

Mekdebimiziň sport meýdançasynda ýerli futbol toparlarynyň duşuşygy geçirilýärdi. Oýna biraz gijräk baranym üçin şowhun bilen tomaşa edýän oglanlaryň birinden:

– Hasap näçe boldy? – diýip soradym. Ol göýä biziň janköýerlik edýän toparymyz ýeňiş gazanyp barýan ýaly keýpiköklük bilen:

– Olar bizden 3 utuk öňde! – diýdi.

Ilkibada oňa ynanjagymy-da, ynanmajagymy-da bilmedim. Dogrusy, oýun edýändir öýdüp, biraz gaharymam geldi:

– Çynyňmy? Onda näme üçin sen biziň ýeňlişimize begenip otyrsyň? – diýip soradym. Ol:

– Näme üçin gynanaýyn? Entek oýnuň soňky jürlewügi çalnanog-a?! – diýip, ýüzüme seretdi.

Men aýdara söz tapman, onuň bilen islesem-islemesem ylalaşmaly boldum.

Agşam öýe gelenimde aňymda hälki oglanyň sowalyny gaýtaladym: “Näme üçin tamamlanmadyk oýun üçin gynanmaly? Durmuş hem edil futbol oýny ýaly. Üstünlik gazanmak üçin hiç-haçan umydyňy ýitirmeli däl. “Çykmadyk janda umyt bar” diýlip, ýöne ýere aýdylmandyr ahyry”.

Terjime eden Jemşit Durdyýew.

Mowzugy VIP edenler:

Dogry aýdylypdyr. Giñ bolmaly adam.

Dost umyt musurbedre boluncan gelmelidalmi ya sol umyt diyip gezip yormelimi

Soň nätdikä oýnuň netijesi? Edilen umydy ödedimikä? utdylarmyka bularyň komandasy? Eger şeýle bolsa bu oýundaky umyt bilen gazanylan ýeňiş durmuşda hem ýeňiş gazanmagymyz üçin, umytly bolmagymyz üçin umyt berer.

Başyny okap başlanymdan:
Futbol
Germaniya 11-0 Turkmenistan
Komentariya:
İldeşlerimiz şondada ruhdan düşenoklar sebâbi oyunyñ yañy bir 25 minudy gecdi... - diylen degişme ýadyma dūşūp gitdi.
Eger sen üstünlige ýetmek isleseñ, onda ýeñjegiñe berk ynan, hatda saña hiç kimiñ ynamy galman wagtynda hem.

Bu mowzuk köşeşdirdi azajyk.