15:52 Mowzuk

Bir bar eken, bir ýok eken. Şeýle-şeýle bolan eken.

Bir güni @Ýolagçynyň ýoly Aşgabada düşdi. Ol bu gezek Aşgabada baranynda onuň ýeke özi däldi, oň ýanyna oňa ýoldaş bolup onuň çagalyk dosty, klasdaşlarynyň biri gidipdi. Bularyň magsady Aşgabada baryp Ýolagçynyň toýuna bagşy gürleşmekdi. Aşgabatda Ýolagçynyň obasyndan göçüp gelenlerem kändi, garyndaşlaram ýaşaýardy. Emma, Ýolagçynyň bar pikiri ilki bular bilen däl-de, başga bir gadyrdany bilen görüşmekdi. Ol diýilýänem lakamy belli Spagettidi.

- Ine Ýolagçy Aşgabada gelendiris - diýip, onuň klasdaşy onuň egnine kakdy.

- Howwa geldik ajaýyp şäher bu - diýdi-de Ýolagçy ýoldaşynyň gepine jogap berdi.

- Hany indi, ýöräli, bärde beýdip durmaly. Bir ýere baryp birazatjyk içeli - diýşip, bular öz aralarynda gürleşdiler we ýöräp ugradylar. Ýöräp barýarkalarda Ýolagçy ýanyndaky dostuna şeýle diýdi.

- Aý dost sroçnyý bir ýere girip çykaly, men biri bilen salamlaşyp, oňa toý çakylygyny bermeli. Hemem iki agyz gürrüň aýtmaly.

- Bole, net problem, kim ol? dostmy? tanyşmy? gadyrdanyňmy, ýa-a garşydaşyňmy? - diýip, onuň dosty bilesigeljilik bilen Ýolagça sorag berdi.

- Aý şoň kimdigini-nä meň özümem bilemak. dostmy garşydaşmy? ýöne şoň bilen-ä kontaktym bar meň - diýip, Ýolagçy ýanyndaky ýoldaşyna jogap berdi.

- Aý tüweleme... Ýöne Ýolagçy başda öz ýakyn garyndaşlaryňka baryp hal-ahwal soraşsaň gowy bolmazmy - diýip, Ýolagçynyň gepine haýran galan, onuň kiçi göwün dosty öz sözlerini dowam etdi.

- Wahhh, men ilki garyndaşlarymka barjak-laa, ýöne häzirki ýanyna barmaly şepäm has möhüm bolup dur. Oň bilen dostluk adasyndaky boluşlary ýatlaap kofe içsem diýýän - diyip, Ýolagçy Spagetti bilen görüşmek isleginiň bardygyny hyjuw bilen beýan etdi.

- Dostluk adasy?... dostluk adasy bolanda, bi magazinmi? ýa idara? - diýip, ör gökden gelen dosty Ýolagça srazy sorag berdi.

Ýolagçy:
- Dost, bu bir ülkäniň ady, gaty ajaýyp ülke. Oňa bir barsaň yzyňa gaýdasyň gelmez.

- Ajaýyp ülke bolsa, onda dost tapmagam kyn däl bolsa gerek ol ýerden? onda islendik kişä-de tapdyreda? - diýip, Ýolagçynyň dosty Dostluk adasy hakynda gyzyklanyp sorag berdi.

- Hmm dost... Aý bizä şol adadan gelinem gözläp ýös. - diýip, Ýolagçy gümmi-sümmi etmäni dostuna jogap berdi. Soňam telefonyny görkezip, şeýle diýip gepini dowam etdi: "Ynha-ynha mende şol Spagetti dostuň adresi hem bar, tiziräk baryp oň bilen görüşeli"

- Ýör, ýör. Gadyrdanyň bolsa onda bir minut hem eglenmäli. Şoň ýanyna baraly. Spagetti diýdiňmaý oň adyny? beterinden beterini tapeňow sen - diýip, hälden bäri Ýolagçynyň geplerine haýran galyp gelýän onuň dosty aýdýardy.

- Beteri entek öňde dostum - diýdi-de Ýolagçy dostyna jogap berdi.

Bular şeýdip az wagtlyk ýol ýöräp Spagettiniň rezidensiýasyna ýetip geldiler. Gapyň agzynda durubam gyradaky zwanogy basdylar. Spagettiniň adresi Ýolagça nireden düşen-ää bize belli däl. Özä ol nätsede Spagettiniň rezidensiýasyny tapmagy başarypdyr.
Zwanok kakylýar. Içerde bolsa bimahal çak diwanyň üstünde ýüzüne kitap ýapyp Spagetti uklap ýatyrdy. Ol bu ýatyşy sebäp zwanogyň sesini eşitmeýärdi. Zwanogyň sesi dowam edýär, horrugyň sesem dowam edýär.

- Bu näme, wagty bilen açmady? Garrymy ýa bu Spagetti diýeniň - diýip, Zwanogy kakyp duran Ýolagçynyň gapdalyndaky dosty sorag berdi.

- Ýok garry-a däl bu. Häzir açar. - diýip, Ýolagçy jogap gaýtardy. Hem-de zwanokdan elini aýryp, gapynyň özini kakmaga başlady.

- Turk,turk,turk,turk,turk. turk

Hälden bäri oýanmany ýatan Spagetti gapynyň özüniň kakylmagyndan:

- Alo, howwa, näme, nirde, kim, haýsy? - diýip, aljyraňly halda gözüni açdy. Soň bolsa özüni dürsemek üçin bir stakan suwy kult,kult,kult, kult, edip içip goýberdi. Tisginip gideni sebäpli stakanyň düýbündäki galan suwy ýakasyndan guýdy. Soňam gapynyň ýanyna baryp biraz diňşirgendi-de şeýle diýdi.

- Kim bu gelen? @Gurgenchli dost senmaý bu? ýene tur-pohod meýlimi?

- Aç gapyny bolotnoý. Men bu Ýolagçy! - diýip Ýolagçy özüniň gelendigini mälim etdi.

- Haýsy Ýolagçy? - diýdi-de Spagetti sorag bilen gygyrdy.

- Dostlukdaky Ýolagçy. ýanymda dostumam bar - diýip, Ýolagçy Spagettä gapyň arkasynda durup habar berdi.

o,o,o,o,o,o drug senmaý bu? Tünegime hoş geldiňiz gardaş. Geliň, geçiň - diýip, Spagetti bu iki gelenleri gapyny açyp garşy aldy. We içeri eltip diwanda oturtdy. Soňam:

- Aýdyp otyryň, nähili obşi ýagdaýlar, bu ýerlere nädip düşdüňaý? näme iş bilen geldiňiz bu şähere?... Hany aýdyň näme içýäňiz? kofemi? çaýmy? haýsyny getireýin? - diýip, Spagetti hal-ahwal soraşyp, bularyň näme içmek isleýändiklerini aýtmaklaryna garaşýardy.

- Biz-ä bu ýere bagşy gözläp gelendiris, biziňki näme, nesip bolsa indi mundan beýlä toýçulyk-da. Bize kofe getiräý gardaşym. Hemem seniň ýanyňa gelip seň bilen salamlaşyp gidäýeýin diýip geldim - diýdi-de Ýolagçy Spagettä habaryny ýetirdi.

- Ohow gaty gowy. Öz toýuňamy bagşy? Toýuň bolýan bolsa onda özüm aýdyp berjegä dost - diýip, aňyrky otagda kofe demlemäge giden Spagetti gygyryp gürleýärdi.

- Gardaşym, häzir biz kloun gözlemäge gelmedik, bagşy gözlemäge geldik, klounam gerek ýöne - diýip, Ýolagçy ýylgyrdy.

- Hä düşnükli. Haýsy bagşylary diňleýäň onsoň? Haýsy bagşy gerek? - diýip, Ýolagçynyň näme diýenine düşünmek bilen Spagetti oňa sorag berdi.

- Köp bagşynam diňleýän. Ýöne maňa Didarjan bilen Muhammet Çaryguly gerek. - diýip, muşdaklyk edýän bagşylarynyň ikisiniň atlaryny Ýolagçy aýdyp berdi.

- Gaty gowy. Haçan toý? - diýip, Spagetti demläp getiren kofelerini gelenleriň öňüne süýşürdi.

- Toýa biraz irräk. Emma, öňräginden nobata ýazylanym gowy-da dost - diýip, Spagettiniň garşysynda oturan Ýolagçy jogap berdi.

- Şeýt dost, şeýt - diýip, oň pikrini makullamak bilen Spagetti kellesini silkdi.

Soň bolsa Ýolagçy Spagetta şeýle diýdi.

- Ýaşaýyşyň-aa ýaman däl. näme bilen meşgul bolýaň onsoň? kitap okaýaňmy? Bu ýanyňdaky kitap näme? Komiksmi? Näme bu - diýip, Ýolagçy Spagettiniň ýanynda duran, onuň häälki ýatanda ýüzüne ýapyp goýan kitaby bilen gyzyklandy.

- Ýok how komiks däl bu. psihologiýa degişli kitabow bi. - diýip, akyllly gep bilen Spagetti jogap berdi.

- Şeýlemi ýa? Men nirden bileýin muny. Men, aýakaldygyndan komiksleri ýazyp ýörşüňe, okaýan kitaplaryňy hem komiksmikä öýdüpdirin. Hany men munuň içini açyp göreýin - diýip, Ýolagçy Spagettiden kitaby sorap aldy. Soňra bolsa Ýolagçy:
- Aý dost men saňa bara, telpek goýdum. - diýip, elini döşüne ýetirdi.

- Sagbol dost sylagyňa. Nämäme telpek goýduň - diýip, Spagetti ýylgyrdy.

- Sen dost, şu hili kitaplary okaýandygyňy hiç hili bildirmeýäň. Muny asla aňdyrmaýaň. Ony diňe akademikler. Güýçliden güýçliler, Ökde psihologlar aňaýmasa, bu zat, ine, biz ýaly orta gürpdäki adamlara başartjak zat däl. Biz-ä seni, seň bolşuňdan, gürleýşiňden, özüňi alyp barşyňdan, haasam: Molla Keminäniň goşgusyny derňeýşiňden eliňe kitap alansyňam öýtmeýäs. - diýip Ýolagçy özüniň ol hakda edýän pikirini Spagettiniň özüne ýetirdi.

- Ýok, ýok beýle däl gaty köp kitap okaýan men - diýip, bokalyndan kofe owurtlaýan Spagetti jogap berdi.

- Şeýlemi ýa? dogry onda. Biz onda turaly gardaş. Seň bilen görüşdük, ýüzbe-ýüz oturup kofe içdik. Öýüňi gördük ynha, bet ekeni tüweleme, Saňa men Asman bilen Ýeriň ortasyndaky ähli gowylyklary arzuw edýän, ýöredýän kareraňda-da uly-uly üstünlikler dileýän - diýip, Ýolagçy onuň öýüniň içine göz aýlady.

- Aý eýýäm turýaňmy drug. oturuňa how - diýip, Spagetti bularyň gitmekçi bolýanyna garşylyk etdi.

- Howwa, gitmeli indi başga wagt geleris. Hä, ine saňa çakylyk. Toýuňky. Bar hökman. - diýip Ýolagçy jübüsinden çakylyk hatyny çykaryp Spagettä uzatdy.

- Hany, ohow, sallahlykdan gutulmak bizede nesip etsin? okap göreli. - diýdi-de Spagetti çakylygy okamaga başlady.

《Nähili Spagetti gowymy taplar? biz seni Ýolagçy bilen Ady ýogyň 2019-njy ýylyň 13-nji dekabrynda boljak Bagt toýuna çagyrýarys. Toý Daşoguz şäher "Gözel" restoranynda》- diýlen çakylykdaky ýazylanlary okap Spagetti şeýle diýdi.

- Bolýa dost bararys hökman. Soňam çakylygy kitabyň arasyna salyp goýdy.

Töweregine göz aýlap hem:
- Hany bärräk bir süýş indi - diýdi-de Ýolagçy Spagettä tarap ýakynlaşyp ugrady.

- Näme etjek bolýaň Ýolagçy? aňyrrak dursa-na-how - diýip, Spagetti gaçyp başlady.

- Öňünden gel muň klasdaş - diýip, Ýolagçy klasdaşyna ümledi.

- Goý klasdaş meni bir bu işe goşma, näme etjek bolsaň özüň et - diýip, kiçi göwün klasdaşy duran ýerinde Ýolagça jogap berdi.

Oňa çenli Ýolagçy baryp Spagettini tutdy-da onuň bykyny bilen garnyny gyjyklamaga başlady. Ýolagçynyň barmaklarynyň hereketine döz gelip bilmedik Spagetti gülmäge başlady. Ol şeýle bir güldi welin, ol mundan ýaňa ýere çöküp gyzaryp gitdi. Ol gaçjak bolýa Ýolagçy hasam berk saklaýar.

- Eý goýsanaý boldy, boldy - diýip Spagetti gülküleriniň arasynda maý tapyp gürleýärdi.

- Eý, goý indi, gözle, dem ýetenak muňa, boldy şol güldüreniň - diýip, Ýolagçynyň klasdaşy Ýolagça töwella etdi.

- Şeýlemi? Indi onda bes edeýin - diýip, Klasdaşynyň towellasyny Ýolagçy kabul etdi.

Gaty, gaty gülkülerden soň zordan özüni dürsän Spagetti Ýolagçynyň dostuna bakyp oňa Taňryýalkasyn aýdyp minnetdar boldy. Soňam ol, Ýolagça şeýle diýdi:

- Näme üçin maňa beýle hez berdiňow? Beýder ýaly men saňa näme ýagşylyk etdim?

- Ýagşylyk etdiň Spagettim ýagşylyk etdiň. - diýdi-de Ýolagçy Spagettiniň ýakasyny düzedip goýdy. Soň bolsa şeýle diýdi:

- Ýagşylygam edýääň weliin, ýöne, käýarym sen maňa... bärik gel, muny seň gulajygyňa aýdaýyn. - diýdi-de Ýolagçy Spagettini ýanyna çagyrdy.

- Hää, gulagyma näme diýjek? aýt, aýt - diýdi-de bilesigelji Spagetti Ýolagçynyň alkymyna dykyldy.

Ýolagçy hem oň gulagyna käbir zatlar hakda pyşyrdady.

Ony diňlän Spagetti hem, soň oňa şeýle diýdi.

- Hää bolýa dost, men ýalňyşypdyryn, men muny bilmändirin. Indi saňa gönükdürüp, ýa kakdyryp beýle zatlary aýtmaryn, düşündim, düşündim arkaýyn bol - diýip, Spagetti akyldan doly kellesini liňk-liňk-liňk edip silkdi.

- Düşündiňmi onda? Anykmy? ertirki gün has beter gyjyklamaly bolmaýyn ýene - diýip, gapynyň golaýragyna baryp saklanan, Ýolagçy Spagettä barmagyny uzadyp sorag berdi...

- Ýok, ýok düşnükli dost gyjyklamak gerek däl. - diýip, Spagetti hakyr, hakyr ? edip jogap berdi.

- Beýle bolsa menem düşündim dost. Al Onda dost, biz ýöredik. Toýda görüşeli. Men saňa Ýer bilen Asmanyň arasyndaky ähli gowylyklary arzuw edýän. Ajaýyp ýumaklaryňa, ertekileriňe sabyrsyzlyk bilen garaşýan, karerýaňda uly üstünlikler gazanmagyňy arzuwlaýan - diýip, Ýolagçy Spagetti bilen hoşlaşdy-da, onuň rezidensiýasyndan çykyp gitdi.

- Sag-aman ýet ýoluňa Ýolagçy - diýip, Spagetti gapyny ýapdy-da özüni diwana oklady. Biraz otyrdy-da. Öz ýanyndan: "Aý men-ä baryp biljek däl oň toýuna. Meni ýene tutup alyp gyjyklajakmy ol?! muny diňe Alla bilen Onuň Resuly bilýär. Şoň üçin men-ä gaýdyp oň bilen sataşjagam däl, gürleşjegem däl. Adyýok hanymam toýa barmadygym üçin gaty görüp ýörmez diýip pikir edýän. Ýöne men oň üçin bir ullakan akja

alyp ugradaryn oglanlaryň birinden. - diýdi-de Maksat wii Spagetti gaýdyp hiç haçan Ýolagçy hakynda gürrüň etmezlige oň bilen gürleşmezlige, duşuşmazlyga, äht etdi. Soňam:
- Eeee men olara wermişel gaýnadyp bermändirin-ä şermisar boldum-ow - diýip, kellesini tutdy.

Tolkun