12:59 Mowzuk

Oglanyn oýlanmasy.

Biler bolsaňyz, ir säher ukudan oýananymda durmuşym hakynda pikir etdim hem-de 'Durmuşda töwekgelçilik etmekden gorkanyňa degýärmi? Men öz isleýän durmuşymda ýaşamak üçin gerek bolan zatlary etmekden gorkmalymy, iliň pikirine üns bermelimi? Öz kellämde döreýänn ýasama gorka, ýagny meni has 'akylly we seresaply' görkezýän ýöne öz isleglerimden daşda saklaýan gorka boýun bolmalymy?'

Ajal diýilýän zadam-a ýüz adamyň ýüzüsiniňem başynda bar zat, ýüzden togsan dokuzysy däl-de ýüzi hem öläýmeli. Bir gün Ezraýyl perişde gelip-de 'Ýör hany, ogul, gider wagtyň boldy!' diýende gorkmaly zat ölmek duýgusy dälmikä diýýän. Esasy gorkmaly zat – şol pursat yza, ýaşan ömrüme göz aýlap-da, mümkinçiligim bolsa-da edip bilmedik zatlarym hakynda, töwekgelçilik etmedikligim hakynda ahmyrda bolmakmyka diýýän.

Halamaýan ýa-da maňa ýeterlik peýda getirmeýän işimi taşlap-da, öz başyma bir zatlar etmedim..

Bir gyzy gowy görüpdim, ýöne sözümi almaz öýdüp söz aýtmandym..

Kakam-ejeme olaryň meniň gözümdäki gymmatyny aýdyp ýetişmedim. Ýogsam olary şeýle bir gowy görýärdim..

Çagalarym, aýalym bilen köpräk wagty bile geçirmedim..

Öz saglygym hakynda az alada edipdirin..

- diýmek duýgusy nähili ýakymsyz bolardy. Şonuň üçin, indi motiwasiýa ýeterlik bolmadyk ýerinde, öz-özüme 'Bu ýerde gorkara näme bar?' diýen soragy berermikäm diýýän..