ine‚ barýaň umydyňa büdüräp‚
Egniň horlugyna utanyp çala.
Uzakda orkestr joşup-titiräp‚
Tans edýär owadan gyzlary bile.

hor ellerňi çykaroňok ýeňiňden‚
Olar birden ýere ýetäýjek ýaly.
Geçip barýaň ýigitleriň deňinden‚
Gulaga ýakymsyz bir saz mysaly.

Undup bilmän görmeksizje doglanyň‚
Yüregiňde hoş arzuwlar besleýäň.
Geçip barýaň bir syratly oglanyň‚
Mylakatly söz aýdaryn isleýäň.

Emma ýigitleriň öz gaýgysy bar:
Yörite ýag bilen saçlaryn darap‚
Olar wagtdanam ozup barýarlar‚
Özleriniň owadan gyzlaryna tarap.

Ah‚ horja gyz‚ horlugyňdan horlanýaň
Saňa hoş söz diýjek ýigit nirede?
Bu şäherde näçe diýseň ýigit bar‚
Seni öýe ugradanok biri-de.

Gyzlaram ýanyňa delmuryp gelip‚
Owadan gülüşip ýüregňe düşýär.
Olar görmegini artdyrjak bolup‚
Gezegine seniň bilen tirkeşýär.

Öýe gelýäň. gyýýar ýürgňi ünjiň‚
Hasratdan çekilýär iki owurdyň. Aglaýarsyň: «ah ‚ eje jan‚ nämüçin
meni beýle betgelişik dogurdyň?»

Emma goňşy gelin—bir görmegeý dul
Atasyz ogluna günäli bakýar.
Hem seniň tersiňe‚gussa-gam çekýär: «owadan dogulma‚bagtly dogul!»

Aglama‚ gyz! uýajygym‚ gam çekme‚
Bilip bolmaz ykbalyňy öňünden.
Bu howlukmaç ýigitlere at dakma‚
Kim geçenok öz bagtynyň deňinden.

Käte şeýle bolýar: görkdür-görmek
gidip otyr il içinde at alyp‚
Yöne‚ nämüçindir‚ tylla ýüzük dek‚ ýolda‚ gum içinde galýar sadalyk.

Tekepbir bol‚ çykyp bolmaz gaýa dek‚ Sada bol‚ aýlaryň doguşy ýaly.
Sheýle ýigitler bar‚ (olar bar entek) sen dek gaýalarda olaň hyýaly!

Gurbannazar Ezizow

105

21

4

5

0

Mowzugy VIP edenler: