DOSTElif 18.06.2019 / 22:20:03Tell the truth and then run.+2
Seÿitmyrat Geldiÿewiñ gośgulary.
1. Dogulan gûnûm
2. Ÿuwaś-ÿuwaś taÿyp barÿañ elimden
3. Aÿralyk dûÿś
4. Kakam diñe aÿlygyna ÿaśaÿar...
5. Yśk heseri
6. Gamgyn saz diñlesem...
7. Bagt hakda.
8. Gûÿz pelsepesi
9. Bu gije ÿene-de giç ÿataÿmasam
10. Men nàtsemkàm
11. ...Men ÿene-de sanap gaÿtdym kirpigiñ
12. Goresim gelende gôzûmi ÿumup
13. Bu nàhilli sôÿgi bolÿar?
14. Goja
15. Men gaÿtmadym...
16. Çuññur guÿa giden hat
17. Ômûr ôwśgûnleri
18. Bir ykbal
19. Geçmen
20. Heser
21. Sàhere ÿazylan hat
22. Aśyk ÿûregiñ aÿdymy
23. Bolsady
24. Bela uçuran ejize
25. Sôÿgi mukaddeslugi
26. Seÿilgàhde ÿa-da śahyrana gyza hat
27. Parallel pikirler
28. Sen-bu men
29. Aÿralyk ûçin bagyśla!
30. Ôz dûnÿàm
31. Taplanyś
32. Pygyl
33. Ôzûme sorag
34. Sen nàdip het etdiñ?
35. Kejirlik
36. Śahyr ÿigdiñ haty
37. Oÿ
38. Śahyr diÿip aklaÿmasam ôzûmi
49. Oglan howlugÿar
40. Mesge ÿaly gijeler
41. Oÿandym gije...
42. Kararym
43. Dûÿn ÿaly-dy...
44. Açyš
45. Ôñe gidiślik
46. Juda ÿaś men...
47. Saña ÿetmek
48. Ÿazdym...
49. Ÿaz ÿagśy
50. Ÿaśaÿyś - dûÿś
51. Teatrda
52. Ômrûñ iki pursaty
53. Aśyk ÿigdiñ haty
54. ...Heniz saña du:śman ÿaśap ÿôrśûme
55. Men asla uÿmadym śu gûne çenli
56. Heÿkel
57. Bagyśla ÿûregim!
58. Hûÿrsypat gyza
59. Ruhuñ monology
60. Meñ ÿûregim- Ahillesiñ dabany!
61. Bu adamlar-ÿyldyzym
62. Hakyda uçguny
63. Galan ômrûm
64. Bir sôz
65. Bagyśla
66. Aÿlanylan ÿerler
67. Àtiÿaç
68. Wesÿet
69. Śahyryñ dûÿśi
70. Aÿ jemally gamly gije
71. Aÿ dogansoñ ÿaśyp baślaÿar
72. Ylham periśdesine.
73. Garaÿyś
74. Gutulgysyz
75. Suw perisi ( poema)
76. Ylham bowûśgenligi (makala)
77. Mansuryń men
78. Gerek dàl. Ôtàgit. Ôzûñ aklama...
79. Gôzÿaślarym sûmsûledir ômrûñe.
80. Men señ bilen Islandiÿa gitjekdim...
81.Toÿ gûnûniñ ertesi gûni ÿazylan gośgy.
82. Poeziÿa jyny.
83. Sôz bermàn gitmek.
84. Yrym-yrym, ÿom-ÿom...
85. Ylham melegine soñky hat.
86. Kûÿseg.
87. Men bir tàze tolkun.
88. Sen dûnÿàde dirikàñ.
89. Śol owadan gyzam ,,Mert bolgun!" diÿdi.
90. Gûÿz gijesi.
91. Ilkinji jàgildim, adym.
92. Ÿaśajak biz.
93. Selbim
94. Baha.
95. Narpyz ysly màhir
96. Tàzelik.
97. Ÿatla
98. Ses
99. Sen ôz ômrûñ on ÿedinji ÿylynda...
100. Behiśdi bedew
101. Bedew.
102. Hapyz Širazlynyñ gośgularyndan terjime
103. Melhem
104. Maÿ duÿgulary
105. Hokga
106. Seniñ dogulan gûniñ
107. Ynan.
108. Bilÿàñmi?!
109. Ÿazygym kàndir melegim.
110. Ÿazyp goÿaryn
111. Ÿaślygymda galan gyza.
112. Sypaÿy sôhbet
113. Ômrûme ÿûzlenme
114. Bergi
115. Sarp bolmak
116. Aÿlanyś
117. Sôÿgi bagyślaÿar.
118. Šol gije
119. Ÿeten derejàm
120. Sôÿgà ÿazylan hat
121. Gośgy arakesmesinde
122. Sen nirede?!
123. Perhadyñ perÿady
124. Aÿ dolan gije
125. Palmoliw baglary gûlûn açanda...
126. Alysdaky pyśyrdy
127. Jennetiñ šygyrÿet bagynda çagym...
128. Ogluma ritoriki sowal
129. Ôzûmçe
130. Poeziÿa
131. Çagyr meni
132. Ôz dûnÿàm
Islegiñiz boÿunçha on gośgy goÿmakcy, haÿsylaryny?
GerekliAsuda_durmush 18.06.2019 / 22:22:55+2Elif, alysdaky pyşyrdy.
DOSTElif 18.06.2019 / 22:30:06+2ALYSDAKY PYŞYRDY.
Bizi haýsy pursat şu güne saldy,
Bize şeýtmeklige kimiň haky bar?!
Her kim öz bagtyny gurup biler-ä,
Bolmasa-da köpi gören akyldar.
Sen onda, men munda,
Kime haýyr bar?
Kim ol biziň bagtymyzy ýatyran?!
Ýogsa, senem men diýip kän aglapdyň,
Menem betbagt, başyn tutup oturan.
Nädip başga ýoly aldykkak saýlap,
Nädip bu çykgynsyz çuňluga gaçdyk?
... Adamlara garap ýaşajak bolup,
Bir-biregi kötekledik,
Ýalňyşdyk.
Aýt, hany,
Dogryňdan gel-de, aýt maňa,
Gussalarňy durmuş basyp, ýitmänkä.
- Näçe gezek meň belgime jaň edip,
Öçürip agladyň, gudok gitmänkä?!
Betindenℳahrί ? 18.06.2019 / 22:32:56+2Elif, ŸATLA śonam goÿaÿyñ?
GerekliAsuda_durmush 18.06.2019 / 22:34:36+2Sag bol janym kooop kop. Aslynda şu goshgylan hemmesini isleyan.
DOSTElif 18.06.2019 / 22:37:38+1ÝATLA
Söýgüme hiç zady delil tutmaryn,
Dahylym ýok saýramagna guşlaryň,
Telefonňa ýollan gysga gutlagym,
Harpma-harp, sanma-san durandyr ýatda,
Oka-da, ýatla!
Bu jahandan başga tama idemen,
Şatlyk tapdym bakyşyndan dideleň,
Öňküsinden uzan bolsa gijeleň,
Ýüpek ýassygyňa saçlaryň ýaý-da,
Sen meni ýatla!
Guş-gumrusy uklan çagy baglygyň,
Duýdym geýen gök köýnegiň darlygyn,
Doglan güniň sowgat beren ýaglygym
Öňünden eltilen atgulak saý-da,
Ählisin ýatla!
Köp isledik hasyl berjek güýzi biz,
Joşup, esrän bahar bilýär müýnimiz,
Barça ýerden daş hem bolsa düýnümiz,
Dodagym howurda, ýüregim o:tda,
Şoň üçin ýatla!
Gowşurmaga kenarynda Murgabyň,
Çemen bogdum güllerinden bir bagyň,
Öz nebsimi etdim seniň gurbanyň,
Senem şu ýyl meniň gapymdan ät-de,
Ýazan goşgularmy, eden jaňlarmy
Bir-birden ýatla!
DOSTElif 18.06.2019 / 22:40:52+2WESÝET
Eger men ýoňlasam, çagyrmaň lukman,
Diňe eltiň ezizimiň ýanyna,
Dilim gürlemese, galam uzadyň,
Goşgy ýazyp, uzadaýyn şanyna.
Eger men öläýsem, çogana ýuwmaň,
Bedenimi ýar sypasyn – sargydym.
Goý, molla gelmese gelmänler geçsin,
Menem entek oň ýasyna barmadym.
Kepene däl, dolaň ýaryň köýnegne,
Hem bir özi süýräp goýsun tabyda.
Jynazalyk wagtam goýbolsun edip,
Ýarym bilen biraz goýuň panyda.
Aýat okap, doga edip jemlemän,
Söýgülime söýgi söznem okadyň.
Gyssanyp däl, bagdan-baga aýlanyp,
Öň duşuşan ýerlermizden äkidiň.
Goý, meni saklasyn isledigiçe,
Ýa-da turjagymy çak edip goýsun.
“Hergiz gözüm düşüm dursun” diýse-de,
Şkafyň üstünde kakadyp goýsun.
Betindenℳahrί ? 18.06.2019 / 22:42:15+2Elif, sag boluñ kôp-köp
DOSTElif 18.06.2019 / 22:43:25+2Ýuwaş-ýuwaş taýyp barýaň elimden,
Men seni kem-kemden ýitirip barýan,
hem ozal iň bagtly, indi infarktly,
Ölemen ýüregmi göterip barýan.
Biz öýkeli,
biz - geljekki ölüler,
Ýaraşmaga ýol berenok dirilik.
Kemsinen kişiler gaharly bolýar,
Şonuň üçin bilmeris biz birigip.
DOSTElif 18.06.2019 / 22:47:06+1Ýuwaş-ýuwaş taýyp barýaň elimden,
Men seni kem-kemden ýitirip barýan,
hem ozal iň bagtly, indi infarktly,
Ölemen ýüregmi göterip barýan.
Biz öýkeli,
biz - geljekki ölüler,
Ýaraşmaga ýol berenok dirilik.
Kemsinen kişiler gaharly bolýar,
Şonuň üçin bilmeris biz birigip.
ÝaşulyDurdyeva 18.06.2019 / 22:50:51+2Elif, 93 nji gosgyny goyayda
DOSTElif 18.06.2019 / 22:55:20+2SELBIME
Buça ömrüm seniň waspyňa gümra,
„Gyz-gyz“ diýe, goşa dyzym öpdi ýer.
Bolup galdym durkum bilen oýnatgy,
Çyplaň duýgym „Agyz urup, öp“ diýer.
Meni örtär gabak örtünen gözleň,
Kirpikleriň Alla garşy egreldi.
Niçün meň melgundan saplan umydym
Täk seni söýünçäm gelmän eglendi?!
Aç gapymy, çykabilman syrymdan,
Aç gapyňy, girebilmen hüjräňe.
Meni öz erkimden halas eýläbem,
Höwesimi duçar edýäň hijrana.
Telbe eden ter bedeniň mylaýym,
Beýik-pesi mälim, söýgüsi aýdyň.
Tüm saçyň otuz üç örüme salyp,
Tesbiniň sogaply dänesi saýdym.
Sen kaktus gül,
Men kaknus guş, salkynym!
Keýpim keýik ýaly, ser bolsa mesdir.
Sen bolsaň,
hem tutuş sekiz jennetden,
bir daban basmaga ýer bolsa besdir.
ÝaşulyDurdyeva 18.06.2019 / 22:55:27+2Elif, iki hayyst etsem bolara 131 njinem goyayda
DOSTElif 18.06.2019 / 22:58:12+2Çagyr meni duşuşyga jennetde,
Şeýtan eştmez ýaly pyşyrdap adym.
Çagyr meni, bararyn men elbetde,
Çykyp gaýdan umydym bor şaýadym.
Bolanlary ýatlap sorag berme sen
hem aglama — ýene-de bir belligim.
Köp şatlyga sebäp boldy, bilmeseň,
Taňra ynam eden töwekgelligim.
Çagyr meni islän çagyň, keýpine,
Bararyn sepinip halaýan atryň.
Oýalykda görlen düýşleň seýline
Gideýin atlanyp al ganat atym.
Köp ýollary söküp, söhbet gurundym,
Köp synalan Haka diýdim: “Gorama!”
Şem deý gözleň ugrunda kän urundym,
“Sen şolary söýdüňmi?” diýp sorama.
Üfledim sen taýa, aglap üfledim
Ellerime gonan perişdeleri.
Bararyn men duşuşmaly möhledim,
Didarymy serip goýup ileri.
Köp diňledi zaryn ýelin pelegiň
Perişdeler garawullan oraçam.
Çagyr meni!
Çagyr ahyr, melegim!
Duşuşygy eýläp bir gün oraşan.
ÝaşulyDurdyeva 18.06.2019 / 23:06:16+2Elif, sps jan
DOSTElif 18.06.2019 / 23:14:53+1 ♥ÝAŞLYGYMDA GALÝAN GYZA
Saçlaryň agşam ýelidi,
Gabaklaryň badamdy seň.
Söýüp, dyzmaç şahyr boldum,
Aslym ýuwaş adamdy meň.
Maňa hiç zat düşündirme,
Gitseň, ümsüm ötä gitgin!
Bilip hem bilmän goýberen
Säwligim az däldir, ötgün!
Hoşlaşmagyň hajaty ýok,
Sensiz göwnüm hoş bolarmy?!
Hatlarymy alýaňmy sen,
Okaýarmyň goşgularmy?!
Garym-gatym boldum sensiz,
Ruh nirede, ten nirede?!
Del gözlere dözmedigim,
Men nirede, sen nirede?!
Ýolumy sowan jemalyň,
bilýän, dulumy bezemez.
Bir bagtly geler gaşyňa,
Gelnalyjysy bezemen.
Saçlaryň agşam ýelidi,
Gabaklaryň badamdy seň.
Saňa çenli bir oglantak,
Ýalňyşmaýan adamdym men.
DOSTSerVi 18.06.2019 / 23:25:58+2Elif,
Mumkin bolsa
52
125
Şu gosgylary goyayda
DOSTElif 18.06.2019 / 23:35:29+2Ömrüň iki pursaty
1.
Gelerdiň assa ýaýkanyp,
Başyň atyp gülümsirap.
Ýaşynan bolardyň degşip,
Heniz gyzkaň gelinsiräp.
Diýerdiň: „Söýýän Blogy,
Ýazsaň senem il-gün tanar“.
Bagrym dilip gaýtalardyň,
„Dermanhana, köçe, fonar“.
Hoş ýakardy gyz göwnüňe,
Blogyň şol “Ajal tansy”.
A meň weli bloknodym,
Hem maňlaýym açylmazdy.
Ýokdur goşgy gowy bolsa,
Ýüreklere siňmeýäni.
Sen Blokçyl, onsoň menem,
Tapdym özge diňleýäni.
Azary ýok söýüleniň,
Söýeniňden degmän sana.
Ýazgydyň eken şol goşgy,
...Gije, köçe, dermanhana.
2.
Köp wagt geçdi, duşduň ahyr,
Hamsykdyň ýatlap geçeni.
Maňa sen bir diýme şahyr,
Samsykdym, wah, men ejemi,
Ibermedim, inderdim men,
Başymdan o:t, ýanyp ýörün.
Lezzet alýar il derdimden,
Şoň üçinem ýazyp ýörün.
Iteklärdiň meni soň-soň,
“I:r“ diýerdiň galtaşamda.
Diýerdim men „Köşeşemsoň,
Haýry näme, gartaşamda“
Nem bar bu gün gözleriňde,
Gül gabaklaň ýellenipdir.
Nogta saçlaň däl ýerinde,
Olar eýýäm ellenipdir.
PALMOLIW BAGLARY GÜLÜN AÇANDA...
Apreliň mylaýym şemaly bilen,
Hoşboý yslar kalba dolsa haçanda,
Men Bekrewä, dost ýanyna ugraryn,
Palmoliw baglary gülün açanda.
Dost gujagy, sadaja öý, gülgün suw...
Garşy alar poeziýa hoşlugy.
Egsip bilmesem-de gizlin derdimi,
Biraz dolar kalbyň küýseg boşlugy.
Ýüpek ýelli, sergin bagly Bekrewe,
Çärýekde barmasam kalbym agyrýar.
Baýram agam, derwezäni açyp goý,
Palmoliw güllerniň ysy çagyrýar.
DOSTSerVi 18.06.2019 / 23:46:21+2Elif,
kop sagjabol ajayyp şygyrlar
GerekliAsuda_durmush 18.06.2019 / 22:35:57Oda ŷansañ çürśersin, sana yaramaz bolorsyn. Bir ojagyn odyna ŷanaşma gowsy...+2
《Abonentiň telefony öçürilendir...》
Sen nirede,
şu hal dara-direde,
şeýlebir sesiňi eşdesim gelýär.
Sen bolsa arzymyň ýeterinden daş.
Aşyk bolan ömrüň eşretin bilýär,
diňläsim gelýär seň saz ýaly sesiň,
dem alşyňy, aýnaýşyňy, gülkiňi.
Sen bolsa ret edip, yşkym tütedip,
Meň aşyk pälimi, şahyr küýümi
bitaý kapyýa deý özüme goýýaň.
Ah, şol telefonňam ebedi öçük.
Men bolsa bir seniň sesiň küýseýän,
Bar zatlaň, ýok zatlaň baryndan geçip.
Aýlanyp-aýlanyp özüme gelýär,
Gulaga öwrülip diňleýän jaňlam.
«Abonentiň telefony öçürlen…».
Wah, şu wagt ýüregmi şu jaňa daňsam,
Telefonňy açyp goýar el bile.
Diňe saňa duşup ejizledim men,
Sözüm ýele berdim, ömrüm ýelgine.
Bir ädim ýanymda dem alan günleň,
Düýşüňe girýänim gürrüň bereňde,
Günler zybrym mensiz duşuňdan geçip,
Mahal-mahal «SMS-lem» göreňde,
Bir gün eşiklerim eýesiz galyp,
Senem özüň ýetim ýaly duýmasaň,
Isleýşimçe söýen dälsiň, ezizim,
Eden jaňlaryma hormat goýmasaň!
Aýtmadyk sözleriň ýürege sygman,
Soňky deme çenlem ýetmän takadyň
agy bolup bokurdagňa direse,
pyşyrdylaň barar maňa jaň bolup,
«Sen nirede, sen nirede, nirede?!…».
DOSTElif 18.06.2019 / 23:45:40Tell the truth and then run.+1
Ynan!
Sen menden kä zady gaty görmegin,
Sen menden kän zady gaty görmegin.
Asla ýokdur giperbola, toslama,
Saňa ýaramaýan teleke işi
Eder öýdüp oslama
we şulary bil:
Ýetmezňe urnaň bolmasam,
Bagtyňa gurban bolmasam,
Toýuňda porhan bolmasam,
Bolasym gelmeýändir öýtme!
Sataşsaň tirkäp baldyzyň,
Baş atyp diýeňde: „Barmysyň!“
Beren salamyň almasam,
Alasym gelmeýändir öýtme!
Çekip bildim „ah“ baryny,
Teý, tapmadym ahmalyňy,
Soramasam ahwalyňy,
Bilesim gelmeýändir öýtme!
Janym dilim deý gijände,
Yşk tene sygmaz gijämde,
Rahatlyk jandan süýjände,
Ölesim gelmeýändir öýtme!
Deň bile gülüp bilmesem,
Nädeýin, ölüp bilmesem,
Ölemsoň gelip bilmesem,
Gelesim gelmeýändir öýtme!
DOSTElif 18.06.2019 / 23:46:50Tell the truth and then run.+1
ПОВЕРЬ МНЕ!
Не сердись, если что-то я сделал не так,
За ошибки большие прости, и пустяк…
Прости и поверь мне – я это не выдумал:
Никогда, ни за что я тебя не обидел бы.
Просто поверь…
Если вовремя рядом я не окажусь,
Если в роли жертвы тебе не сгожусь,
И на свадьбе твоей не с танцую я – пусть,-
Ты не думай, что этого я не хочу!
Если вдруг на прогулке тебя повстречаю,
Если спросишь небрежно: как ты поживаешь?
Если я промолчу, что ответить, не зная,-
Ты не думай, что этого я не хочу!
Сколько боли от этой любви испытал я,
И дорогу к тебе безуспешно искал я,
Если мне не понять, что на сердце скрываешь, -
Ты не думай, что этого я не хочу!
Все, что знает язык – мне душа прокричала,
Если страсть мое тело всю ночь разрывала,
Если слаще, чем жизнь, мне спокойствие стало,-
Ты не думай, что я умереть не хочу!
Если радость с тобой не разделим мы вместе,
Если все еще не суждено умереть мне,
Если я не вернусь к тебе и после смерти,
Ты не думай, что этого я не хочу!
Перевод с туркменского
Ирины Столбуновой