Soñky döwûrde dem alşym kynlaşdy, ýûregimde bolsa bolgusuzja agyry peyda bolly. Onsañ lukmana ýûz tutdum.
O dûrli barlagdan geçirip şeý diýip sorady.

_ bee siz köp iýýâñizmi.
Aýyy işdâmiñ aldygyndan iýýân özâ.
_ Hmm işdâñiziñ aldygyndann...meselem ertirine ,gûnortanyna, agşamyna nâmeler iýýâñiz.
Eiiý irdenâ kiçirâk bir el çöregini iki bölip, birine mesge çalýan birinede bal çalýan, dört sany gaýnan ýumurtga bilen şony iýýan. Gapdalyndanam bir çâýnek çaý içýân. Gûnortan, bary ýogy sekiz sany gutap, ýada alty sany fitçi iýýân.

_ nâme nâme nâme?
Gûnortan diýýân bary ýogy sekiz sany gutap, ýada alty sany fitçi iýýân. Eger hudaýýola çagyrylsama iki şakâse dograma, iki târelka palaw, gapdalyndanam dûrli işdâçarlar bilen bir ýûreksilik bolýa. Agşamnada, bir mejime palow ýa-da ûç şakâse unaş, eslije işdâçar, ýarty gawun bilen oñaýýan.
_ Baýbââ tuwelemee işdâñizâ hiç neneñ dâl ekeni.
Howwa hudaýa şûkûr
_ Ýöne siz ol iýmitiñizi azaltmaly bolýañyz.
Oo nâmçûn ozolama gaty bir doýa garna iýemok men.
_ Gaty bir doýa garna iýmeýânem bolsañyz ýene azaltmaly bolýañyz. Ýogsam siziñ ýagdaýyñyz gowlyga barmaýa. Ýûregiñiziñ daşyny ýag alypdyr. Dûşûnýâñizmi ýûregiñiziñ daşyny ýag alypdyr ,bir salym berhiz tutmaly.
Hââ berhiz...
_ Howwa berhiz tutmaly bolýañyz.
Hâ Onsañ men nâmeler iýmeli şo berhiz tutamda.
_ Nâmeler iýmeli dâl diýip sorañ!
Hâ bolýa bagyşlañ bagyşlañ lukman.
_ Sorañda nâmeler iýmeli dâl diýip!
Nâmeler iýmeli dâl ?
_ Howwa
Wah şony diýesim gelmedidâ.

_ Diñlâñ indi. Ýagly ýûzli iýmitleri iýmeli dâl, hamyrly, etli naharlary iýmeli dâl.
Wiii...
_ Howwa et iýseñizem az mukdarda iýmeli, özem gaýnadylan etleri iýmeli. Oñarsañyz çörek iýmeli dâl .
Çöregem iýmeli dâlmi ?
_ Howwa eger iýseñizem juda az iýmeli. Çörek hem çörek önûmlerini.
Lukman neme bagyşlañ meñ âhli iýýân zatlama sanap çykdyñyz. Onna men nâme iýip oñmaly onna.
_ Iýmâge zat kân. Ine meselem gaýnadylan tûwi, balyk, gaýnadylan kâşir, ýer alma, kelem çorba, ter hyýar, pamydor, ûzûm, alma, armyt, nar aý garaz başgada sanasañ sanap otyrmaly şolary iýmeli siz.
Aýyy lukmanjan aý olary iýeniñdede içiñde duranoga derrew ýûregiñ syrylaýýada.
_ Onnada horlanjak bolsañyz, saglygyñyzy dikeltjek bolsañyz diñe şolary iýip oñmaly. Ûstesine-de köpirâk hereket etmeli, Ýöremeli, suwda ýûzmeli.
Suwda ýûzmeli ýöremelemmii
_ Howwa elbetde elbetde. Meñ Ine şu diýenlemmi etseñiz sizde ýûrek agyram galmaz beýlekem galmaz. Sanlyja gûndenem sûññiñiz ýeñlâýer ine görseñiz.
Beee ola lukmanjan dilde añsat welin hany men bir synanşyp bir göreýin.
_ Synanşyp görmâñ ýerne ýetiriñ.
Aýy bolýa bolýa men onna turdum lukman.


Men lukmana söz bersemem öñki iýmitlemden ýûz öwûrûp bilmân esli gûn gezdim.
Bir gûn bile işleýân oglanlarmyz bilen otyrşygmyzda oglanlañ biri meñ çetime degdi. Sen uçara meñzeýâñ diýip gûldi. Menem oña sowal berdim.
O nâhili ?
_ Bilýâñmi uçarlar ilki giñ meýdanyñ bârsinden ylgap başlap ahyry başyndan ýokary galýa. Senem jaýyñ törinden emedeklâp başlap gapa geleñde aýaga galýañ... Diýende hemmeler gyzylgyram gûlûşdi. Şondan soñ men namys edip Lukmanyñ salgy beren berhizini tutmaly diýen karara geldim .
Inni gûnde iýýânim. Gaýnadylan tûwi, gaýnadylan kâşir, ýer alma, kelem çorba, ter hyýar, pamydor, ûzûm .
Heeeiý ýañy bir iýip doýdymmykam diýýân welin az salymdan içim eljuk diýip dur. Ýogsam sûññûm ýeñleýân ýalam welin aşgazanym, hany dur myrat bir zat oklada hoow diýen talabyna çydar ýaly dâl.
Iýýâniñ şo bir zatlar bolansoñ irizýânem ekeni.
Soñabakadagy şu almany, ûzûmi, hyýary, pamidory eýlâk beýlâk pytyradyp zyñyşdyryberesim gelýâdi.
Onnada çydadym.
Howlydaky ýer dörjelâp ýören towuklary göremdedaga göz öñûme içi towukly palow meçime gelýâde esli wagtlap aýrylman köseýâdi. Goýunuñ, bu sygyryñ sesini eştsemâ edil biri gyjalat beren ýaly bolup gaharym geliberýâdi.
Bazardaky et dukanyñ gapdalyndan geçemde çişligiñ, kebabyñ, işlekliñ işdâñi açyjy ysy burnuma urýan ýaly bolyberýâdi.
Aý garaz her nâmede bolsa gûn geçdigisary kynam bolsa öwrenişýân özâ.
Oñarsam köpirâk hereket etýân, irden turup eslije ýeri pyýada geçýân.
Dogrydanam birhili ökjãm ýeñleşen ýaly bedenimem çekilşen ýaly bolup barýa. Men diýmek lukman dogry salgy beripdir.
Inni suwda ýûzûbem göreýin diýâgede suwda ýûzilýân howdana ýazyldym.
Baýbuu bu ýere gelyân kân ekenâ. Howdanyñ içi adamdan ýaña mygyldy bolyp dur. Menem bir ýerini peýlâp özûmiñ ýûz ýigrim kilogramlyk göwrâmi suwa urdym .Suwa çûmip çykyp töwerege seretsem, ýañy şu ýerde goltuklary suwda ýûzýân şarlyja ýûzip ýören çagalañ hiçisem ýok.
Olary gark edâýendirin öýdûp ýûregim agzyma geldi . Bolsada garka bolmandyrlar. Ýöne olaryñ hemmesi howdanyñ daşynda ýatan ekenler.
Howdanyñ suwam kenaryndan epesli daşyp gidipdir.
Bolsada, gözlermi elek çelek edip kellâmi suwdan çala çykaryp otyrşymdan añandyrlarda ýalñyşymy boýun alýanymy. Hiç kim hiç zat diýmedâý şonda.
Şondan soñ suwa edil ýylan ýaly sûýnip girmegi öwrendim.
Aý garaz gûzabyna çydap berhiz tutup bilseñ peýdasa kân eken.
Oña başlanymdan iki aý gowyrak wagt geçenden soñ, agrammy çekdirip görsem ýûzdenâ aşak dûşûpdir.
Ýûrekdâki agyram aýryldy.
Aram aram öñki iýen iýmitlem dûýşime girip, tûýkûligime gark bolup oýanýan diýâýmesem başga kem zadyma ýok.

Nurberdi Dâdebaýowyñ 《 Berhize çydap bolsa 》 adly gûlkûli kyssasy

352

53

6

14

1

Mowzugy VIP edenler: