Öwrederdiň gözelligi söýmäni,
Öwrederdiň ýigrenmäni galplygy.
Ugradardyň säher bilen mekdebe,
Torbajygma salyp depder,
«Harplygy».

Ýollarymda ýoldaş edip nazarňy,
Durarsyň sen şol yzymdan gararda.
Dursuň sen güýzlerden bäri seredip,
Dursuň baharlarda, ýagyşda, garda.

Ýyllar geçip, Boýum geçip boýumdan,
Ädimime gysga gelse-de ýollar.
Dursuň indi weli okuwçy däl-de,
Mugallym ogluňy mekdebe ýollap. ...
Garašÿarsyñ käbäm... on bäş ýyl bäri,
Şu pursatda bir zada göz ýetirýän.
Meger, durmagyňdyr ýoluma garap,
Sag-amanja meni öýe getirýän.

Şapak öçer,
Öçse öçsün ýöne ol
Közünden gözümi gandyryp gitsin.
Gije geçer,
Geçse geçsin ýöne ol
Patrak ýyldyzlaryn galdyryp gitsin.

Ýyllar geçer,
Geçse geçsin ýöne ol
Iň gowy günleri gitmesin alyp.
Söýgüliň bir zadyn sora diýseler,
Oň nazaryn alyp galjagym anyk.

Kä günler ýalňyzlyk bolýar
myhmanym,
Ýekelikde käte keýpim bozulýar.
Dostlar gidibersin (işleri kändir),
Dostlugmyzy alyp gitmese bolýar.

Baharlardan näme galsyn diýseler,
Sorardym oň mahmal, elwan çeçegin.
Belli bir zady hem sora diýseler,
Ömürlik islärdim mährin ejemiň.

Seÿran SEŸITMÄMMEDOW

201

35

6

14

0

Mowzugy VIP edenler:

Shem01 — 75 sagat vip etdi.28.09.2020 / 04:55:19

♛ɢᴜᴠᴀsʜ♛ — 131 sagat vip etdi.16.09.2020 / 23:45:44