Näçe gündür karar tapanok ýürek,
Duýýan, ahyryna geldi gözlegim.
Göz öñümde saralypdyr töwerek,
Ýa-da meniñ saralypdyr gözlerim.

Shatlygam, höwesem... bary gutardy,
Soñky sözüñ aýtdyñ, ýokdur çäresi.
Ýüregiñ tüsseläp, ýary gutardy,
Ertir ýanyp gutar galan ýarysy.

Bilýän, diñmek gerek, kösheshmek gerek,
Unutmaly, hakydadan gitmeli.
Erki badyhowa shemala berip,
Bag içinde tapylgysyz ýitmeli.

Gara gözler, indi beri goýberiñ!
Ýaraly synamy sähra ataýyn.
Tümde galan täleýime toý berip,
Ilkinji söýgime matam tutaýyn.



Awtor: Döwlet Orazsähedow.

126

16

1

3

0

Mowzugy VIP edenler:

— 1 sagat vip etdi.30.06.2020 / 08:30:22